ໂພຊະນາການ

ອາຫານມີຄວາມສຳຄັນ ແລະ ຈຳເປັນ ແລະ ຕ້ອງການໃຫ້ພຽງພໍສຳລັບແມ່ຍິງຖືພາ, ແມ່ທີກຳລັງລ້ຽງລູກດ້ວຍນົມ, ເພື່ອໃຫ້ໄດ້ສານອາຫານຫຼາຍຂຶ້ນ ມີສຸຂະພາບແຂງແຮງ ແລະ ການພັດທະນາຂອງລູກໃນ 1,000 ວັນຂອງຊີວິດ. ທາດອາຫານແມ່ນມາຈາກການກິນອາຫານທີ່ພຽງພໍ ແລະ ສົມດຸນ. ໂຄງການ ປຊກ ສະໜອງປຶ້ມປຸງແຕ່ງອາຫານໃຫ້ແກ່ກຸ່ມໂພຊະນາການຊຸມຊົນໃນແຕ່ລະບ້ານເປົ້າໝາຍ. ການແປຮູບອາຫານ ໂຄງການ ປຊກ ນຳສະເໜີການແປຮູບອາຫານໃນ 3 ປະເພດຄື: ຜົງເຂົ້າ: ເຮັດຈາກເຂົ້າ ແລະ ໝາກຖົ່ວ. ຜົງປາ: ເຮັດຈາກປາແຫ້ງ ຫຼື ສັດນ້ຳອື່ນໆ. ຜົງຜັກ: ເຮັດຈາກໃບຜັກຂຽວແຫ້ງ.  ໃນປີ 2025 , ກຸ່ມໂພຊະນາການຊຸມຊົນ 321 ກຸ່ມ ສາມາດຜະລິດຜົງອາຫານໄດ້ທັງໝົດ 15.409 Kg ການປຸງແຕ່ງອາຫານ ໃນ​ລະ​ຫວ່າງ​ການ​ຝຶກ​ອົບ​ຮົມ ກພຊ ຈະ​ໄດ້​ຮັບຊຸດ​ອຸປະກອນປຸງ​ແຕ່ງ​ອາ​ຫານ​ ແລະ ​ເຄື່ອງບົດ, ໂດຍການຈັດຊື້​ໂດຍ ປຊກ. ຊຸດແຕ່ງກິນ ແລະ ເຄື່ອງບົດປະກອບເຊັ່ນ: ຊຸດຈານ […]

ໃນລະຫວ່າງວັນທີ 31 ເດືອນມີນາ – 02 ເມສາ 2026 ຂະແໜງໂພຊະນາການ ແລະ ພັດທະນາຊຸມຊົນ ໂຄງການປັບປຸງຊີວິດການເປັນຢູ່ ແລະ ການປັບຕົວກັບການປ່ຽນແປງດິນຟ້າອາກາດ (ປຊກ) ໄດ້ຈັດການອົບຮົມຄືນວຽກງານໂພຊະນາການໃຫ້ແກ່ພະນັກງານໂພຊະນາການຂັ້ນເມືອງ ແລະ ຂັ້ນບ້ານ ຂອງ 14 ເມືອງເປົ້າໝາຍ ຢູ່ທີ່ຫ້ອງປະຊຸມສູນຝຶກອົບຮົມສູນກາງສະຫະພັນແມ່ຍິງລາວ ນະຄອນຫຼວງວຽງຈັນ ໂດຍການເປັນປະທານຂອງທ່ານ ບຸນສີ ນັນທະພອນ ຮອງຜູ້ອຳນວຍການໂຄງການ ປຊກ ມີຜູ້ເຂົ້າຮັບການອົບຮົມທັງ 47 ຄົນ (ພະນັກງານໂພຊະນາການຂັ້ນເມືອງ 14 ຄົນ ແລະ ຂັ້ບບ້ານ 33 ຄົນ). ຈຸດປະສົງຂອງການອົບຮົມແມ່ນເພື່ອທົບທວນຄືນບັນດາກິດຈະກຳໂພຊະນາການ ແລະ ການປ່ຽນແປງພຶດຕິກຳ ຊຶ່ງຈະໄດ້ສຸມໃສ່ການຖອດຖອນບົດຮຽນຂອງການຈັດຕັ້ງປະຕິບັດໃນບ້ານຊຸດທີ I ເພື່ອຮັບປະກັນວ່າທຸກກິດຈະກຳໂພຊະນາການໄດ້ຖືກຈັດຕັ້ງປະຕິບັດຢ່າງມີຄຸນນະພາບ ໂດຍປະຕິບັດຕາມຂັ້ນຕອນ ແລະ ວິທີການທີກຳນົດໄວ້ໃນຄູ່ມືການດຳເນີນງານ ເຊັ່ນ: ຂັ້ນຕອນການຈັດກອງປະຊຸມ ກພຊ, ການອົບຮົມເຈົ້າຂອງຮ້ານຂາຍເຄື່ອງຍ່ອຍກ່ຽວກັບອາຫານຫວ່າງທີ່ມີຄຸນຄ່າທາງໂພຊະນາການ, ສວນຄົວໂພຊະນາການ, ການຮຽນຮູ້ແບບເພື່ອນສອນເພື່ອນຜ່ານສື່, ອາຫານປ່າ, ເຮືອນຮົ່ມ, ການລ້ຽງແບ້ເພື່ອຮີດນົມ,

ພາຍໃຕ້ໂຄງການ ປຊກ, ຄູ່ມືການຈັດຕັ້ງປະຕິບັດໂຄງການໄດ້ກຳນົດໃຫ້ວຽກໂພຊະນາການຢູ່ໃນອົງປະກອບທີ 3 ຊຶ່ງປະກອບດ້ວຍ 9 ກິດຈະກຳຫຼັກດັ່ງນີ້: ການສ້າງຕັ້ງກຸ່ມ, ກອງປະຊຸມ ແລະ ອົບຮົມ (ວິຊາການ ລວມທັງການຄຸ້ມຄອງການເງິນ): ໃນແຕ່ລະບ້ານຂອງບ້ານເປົ້າໝາຍຂອງໂຄງການ ຈະໄດ້ມີການສ້າງຕັ້ງກຸ່ມຂຶ້ນ ໂດຍເອີ້ນວ່າ “ກຸ່ມໂພຊະນາການຊຸມຊົນ” ເອີ້ນຫຍໍ້ວ່າ “ກພຊ” ຊຶ່ງສະມາຊິກກຸ່ມແມ່ນແມ່ຍິງ ແລະ ເດັກນ້ອຍທີ່ມີອາຍຸຕ່ຳກວ່າ 2 ປີ ເອີ້ນວ່າ “ຄອບຄົວ 1.000 ວັນ” ລວມເອົາ ແມ່ຍິງຖືພາ, ແມ່ລູກອ່ອນ (ລູກອາຍຸ 0 – 5 ເດືອນ) ແລະ ເດັກນ້ອຍອາຍຸ  6 – 23 ເດືອນ. ໃນແຕ່ລະກຸ່ມຈະມີຄະນະປຸ່ມ 4 ຄົນ ປະກອບດ້ວຍ: ຫົວໜ້າກຸ່ມ, ຮອງ, ບັນຊີ ແລະ ຜູ້ຮັບຜິດຊອບຄັງເງິນສົດ. ສະມາຊິກກຸ່ມທັງໝົດຈະໄດ້ຮັບການອົບຮົມກ່ຽວກັບຄວາມຮູ້ພື້ນຖານວຽກໂພຊະນາການ, ການແປຮູບ ແລະ ປຸງແຕ່ງອາຫານ,

ຜົນກະທົບຈາກພາວະເຕ້ຍຂອງເດັກນ້ອຍ ການຂາດສານອາຫານໃນລະດັບສູງຂອງເດັກນ້ອຍເປັນອຸປະສັກສໍາຄັນຕໍ່ການຫລຸດຜ່ອນຄວາມທຸກຍາກ, ລວມທັງການພັດທະນາມະນຸດ ແລະ ຊົນນະບົດໃນປະເທດລາວ. ໃນເຂດຊົນນະບົດ, ເດັກນ້ອຍໃນເຂດທີ່ບໍ່ມີຖະຫນົນຫົນທາງ ແລະ ແມ່ບໍ່ມີການສຶກສາ ມີໂອກາດສາມເທົ່າທີ່ຈະເປັນພາວະເຕ້ຍຫລາຍກວ່າເດັກນ້ອຍໃນເມືອງ, ຈາກຄົນທີ່ຮັ່ງມີທີ່ສຸດ ແລະ ມີແມ່ມີການສຶກສາສູງ. ພາວະເຕ້ຍມີຜົນກະທົບຕໍ່ການພັດທະນາໃນໄລຍະຍາວ ລວມທັງສຸຂະພາບທີ່ອ່ອນແອ, ຜົນການຮຽນບໍ່ດີ, ຜົນປະໂຫຍດ ແລະ ຄ່າແຮງງານຕ່ໍາກວ່າໝູ່ເມື່ອຢູ່ໃນໄວຜູ້ໃຫຍ່. ເດັກນ້ອຍທີ່ມີພາວະເຕ້ຍບໍ່ສາມາດພັດທະນາຄຸນຄ່າຄວາມເປັນມະນຸດຂອງຕົນເອງໄດ້ຢ່າງເຕັມທີ ແລະ ຈະຫຼ້າຫຼັງໝູ່ເພື່ອນລຸ້ນດຽວກັນທີ່ໄດ້ຮັບໂພຊະນາການທີ່ດີ. ສາເຫດຂອງເດັກເຕ້ຍ ໂພຊະນາການບໍ່ພຽງພໍ: ໂພຊະນາການຂອງແມ່ບໍ່ດີ: ແມ່ຂາດສານອາຫານໃນຕອນຖືພາ ລູກອາດຈະເກີດມາມີນ້ຳໜັກໜ້ອຍ ຫຼື ເຕ້ຍ. ຂາດການລ້ຽງດູເດັກອ່ອນທີ່ຖືກຕ້ອງ: ການໃຫ້ນົມບໍ່ພຽງພໍ ແລະ ໃຫ້ອາຫານເສີມບໍ່ພຽງພໍຫຼັງຈາກຫົກເດືອນສາມາດນຳໄປສູ່ການຂາດສານອາຫານທີ່ພາໃຫ້ບົກຜ່ອງໃນການຈະເລີນເຕີບໂຕ ການຂາດອາຫານ: ການຂາດວິຕາມິນ ແລະ ແຮ່ທາດທີ່ຈໍາເປັນເຊັ່ນ ໂປຣຕີນ, ທາດເຫຼັກ, ສັງກະສີ ແລະ ວິຕາມິນ A ສາມາພາໃຫ້ເກີດພາລະເຕ້ຍໃນເດັກນ້ອຍໄດ້. ການຕິດເຊື້ອເລື້ອຍໆ ການຕິດເຊື້ອຊ້ໍາອີກ: ຖອກທ້ອງ, ການຕິດເຊື້ອທາງເດີນຫາຍໃຈ ແລະ ການຕິດເຊື້ອກາຝາກມີສ່ວນເຮັດໃຫ້ຂາດສານອາຫານ. ສຸຂະພິບານ ແລະ ສຸຂະອະນາໄມ: ເດັກນ້ອຍທີ່ອາໄສຢູ່ໃນສະພາບແວດລ້ອມທີ່ມີສຸຂະອະນາໄມບໍ່ດີ ເຊັ່ນ:

         ເພື່ອເປັນການສົ່ງເສີມການຜະລິດພືດຜັກທີ່ຫຼາກຫຼາຍຕະຫຼອດທັງປີຊຶ່ງເປັນພືດທີ່ປູກງ່າຍ ອຸດົມໄປດ້ວຍສານອາຫານ ແລະ ທົນຕໍ່ສະພາບອາກາດ ຊຶ່ງພືດຜັກດັ່ງກ່າວສາມາດໃຊ້ເຂົ້າໃນການປຸງແຕ່ງອາຫານຂອງກຸ່ມໂພຊະນາການຊຸມຊົນ. ພາຍໃຕ້ກິດຈະກຳໂພຊະນາການ ຂອງໂຄງການ ປຊກ ຈຶ່ງໄດ້ສະໜອງເຮືອນຮົ່ມໃຫ້ແກ່ກຸ່ມໂພຊະການຊຸມຊົນໃນບ້ານເປົ້າໝາຍຂອງໂຄງການ ຄາດຄະເນວ່າແຕ່ລະກຸ່ມໂພຊະນາການຊຸມຊົນຈະມີເຮືອນຮົ່ມ 1 ຫຼັງ, ສະມາຊິກທຸກຄົນສາມາດເຂົ້າເຖິງໄດ້. ຜົນຜະລິດຈາກເຮືອນຮົ່ມຈະປະກອບສ່ວນໃນການປຸງແຕ່ງອາຫານຂອງກຸ່ມໂພຊະນາການຊຸມຊົນ.           ໃນປີ 2025, ສຳເລັດການສ້າງເຮືອນຮົ່ມ 50 ຫຼັງ ໃນ 50 ບ້ານ ແລະ ມອບໃຫ້ກຸ່ມໂພຊະນາການຊຸມຊົນໃນບ້ານດັ່ງກ່າວເປັນຜູ້ດຳເນີນການປູກພືດຕາມທີ່ໂຄງການແນະນຳ.           ສະມາຊິກກຸ່ມໂພຊະນາການຊຸມຊົນ ວາງແຜນປູກພືດໃນເຮືອນຮົ່ມເພື່ອຮັບປະກັນການສະໜອງພືດຜັກໃນການປຸງແຕ່ງອາຫານເວລາຈັດກອງປະຊຸມກຸ່ມ ຫຼື ຂາຍເພື່ອເອົາເງິນມາສະໜັບສະໜູນການຈັດກອງປະຊຸມກຸ່ມໃນແຕ່ລະເດືອນ.

ຕາງໜ້າຈາກ 43 ຄອບຄົວທີ່ເຂົ້າຮ່ວມໂຄງການໄດ້ເຂົ້າຮັບການອົບຮົມກ່ຽວກັບການລ້ຽງແບ້, ການຮີດນົມ, ການໝັກໃບມັນຕົ້ນ ຢູ່ທີ່ຟາມຄວາຍນາຊາວ ແຂວງຫຼວງພະບາງ. ການຮີດນົມແບ້ຈະເລີ່ມຈາກເດືອນມັງກອນ ຫາ ພຶດສະພາ 2026. ກິດຈະກຳລ້ຽງແບ້ເພື່ອຮີດນົມ ມີຈຸດປະສົງຫຼັກໆຄື: ເພື່ອເຮັດໃຫ້ອາຫານຂອງເດັກນ້ອຍ ອາຍຸ 6 – 23 ເດືອນ ມີຄວາມຫຼາກຫຼາຍໂດຍການເພີ່ມລາຍການອາຫານໃຫມ່ທີ່ມີສ່ວນປະກອບຂອງນົມ ແລະ ເພື່ອນໍາເອົານໍ້ານົມແບ້ໃຫ້ແກ່ກຸ່ມໂພຊະນາການຊຸມຊົນເພື່ອເປັນສ່ວນປະສົມໃນສູດອາຫານ. ເລີ່ມຈັດຕັ້ງປະຕິບັດໃນເດືອນທັນວາ 2025 ຢູ່ 4 ບ້ານຂອງເມືອງປາກແບງ ແລະ 6 ບ້ານຂອງເມືອງງາ ແຂວງອຸດົມໄຊ ມີຄອບຄົວເຂົ້າຮ່ວມຈຳນວນ 43 ຄອບຄົວ.

ຈຸດປະສົງຂອງກິດຈະກຳສວນຄົວໂພຊະນາການແມ່ນເພື່ອເພື່ອສົ່ງເສີມການຜະລິດພືດທີ່ຫຼາກຫຼາຍ ແລະ ປູກງ່າຍ, ອຸດົມ ສົມບູນດ້ວຍສານອາຫານ ແລະ ທົນທານກັບສະພາບອາກາດ ແລະ ເພື່ອແນະນໍາເຕັກນິກການເຮັດສວນທີ່ໄດ້ຮັບການປັບປຸງ ເຊັ່ນ: ຝຸ່ນບົ່ມ, ປຸ໋ຍຊີວະພາບ, ຢາປາບສັດຕູພືດຊີວະພາບ ລວມທັງເຕັກນິກການຜະລິດແນວພັນ. ສະມາຊິກກຸ່ມໂພຊະນາການຊຸມຊົນ ໄດ້ເຮັດສວນຄົວໃນເຮືອນຂອງຕົນ ແລະ ໄດ້ປູກພືດທີ່ໂຄງການແນະນຳຢ່າງໜ້ອຍ 3 ຊະນິດຂຶ້ນໄປໄດ້  5.983 ສວນ. ວຽກສວນຄົວໂພຊະນາການ ແມ່ນກິດຈະກຳໜຶ່ງວຽກໂພຊະນາການພາຍໃຕ້ໂຄງການປັບປຸງຊີວິດການເປັນຢູ່ ແລະ ການປັບຕົວກັບການປ່ຽນແປງດິນຟ້າອາກາດ (ປຊກ). ໃນປີ 2025 ກິດຈະກຳນີ້ໄດ້ຖືກຈັດຕັ້ງປະຕິບັດໃນ 230 ບ້ານ ໃນ 14 ເມືອງ ຂອງ 7 ແຂວງ ຊຶ່ງເປັນບ້ານເປົ້າໝາຍຊຸຸດທີ I ຂອງໂຄງການ. ກະສິກອນຕົວແບບດ້ານສວນຄົວຈາກແຕ່ລະບ້ານ ບ້ານລະ 3 ຄົນ ລວມທັງໝົດ 464 ຄົນ ໄດ້ຮັບການອົບຮົມການປູກພືດລະດູແລ້ງ ແລະ ລະດູຝົນ, ການເຮັດປຸຍໝັກ, ປຸຍຊີວະພາບ ແລະ ຢາຂ້າແມງໄມ້