ຜົນກະທົບຈາກພາວະເຕ້ຍຂອງເດັກນ້ອຍ
- ການຂາດສານອາຫານໃນລະດັບສູງຂອງເດັກນ້ອຍເປັນອຸປະສັກສໍາຄັນຕໍ່ການຫລຸດຜ່ອນຄວາມທຸກຍາກ, ລວມທັງການພັດທະນາມະນຸດ ແລະ ຊົນນະບົດໃນປະເທດລາວ.
- ໃນເຂດຊົນນະບົດ, ເດັກນ້ອຍໃນເຂດທີ່ບໍ່ມີຖະຫນົນຫົນທາງ ແລະ ແມ່ບໍ່ມີການສຶກສາ ມີໂອກາດສາມເທົ່າທີ່ຈະເປັນພາວະເຕ້ຍຫລາຍກວ່າເດັກນ້ອຍໃນເມືອງ, ຈາກຄົນທີ່ຮັ່ງມີທີ່ສຸດ ແລະ ມີແມ່ມີການສຶກສາສູງ.
- ພາວະເຕ້ຍມີຜົນກະທົບຕໍ່ການພັດທະນາໃນໄລຍະຍາວ ລວມທັງສຸຂະພາບທີ່ອ່ອນແອ, ຜົນການຮຽນບໍ່ດີ, ຜົນປະໂຫຍດ ແລະ ຄ່າແຮງງານຕ່ໍາກວ່າໝູ່ເມື່ອຢູ່ໃນໄວຜູ້ໃຫຍ່.
- ເດັກນ້ອຍທີ່ມີພາວະເຕ້ຍບໍ່ສາມາດພັດທະນາຄຸນຄ່າຄວາມເປັນມະນຸດຂອງຕົນເອງໄດ້ຢ່າງເຕັມທີ ແລະ ຈະຫຼ້າຫຼັງໝູ່ເພື່ອນລຸ້ນດຽວກັນທີ່ໄດ້ຮັບໂພຊະນາການທີ່ດີ.
ສາເຫດຂອງເດັກເຕ້ຍ
- ໂພຊະນາການບໍ່ພຽງພໍ:
- ໂພຊະນາການຂອງແມ່ບໍ່ດີ: ແມ່ຂາດສານອາຫານໃນຕອນຖືພາ ລູກອາດຈະເກີດມາມີນ້ຳໜັກໜ້ອຍ ຫຼື ເຕ້ຍ.
- ຂາດການລ້ຽງດູເດັກອ່ອນທີ່ຖືກຕ້ອງ: ການໃຫ້ນົມບໍ່ພຽງພໍ ແລະ ໃຫ້ອາຫານເສີມບໍ່ພຽງພໍຫຼັງຈາກຫົກເດືອນສາມາດນຳໄປສູ່ການຂາດສານອາຫານທີ່ພາໃຫ້ບົກຜ່ອງໃນການຈະເລີນເຕີບໂຕ
- ການຂາດອາຫານ: ການຂາດວິຕາມິນ ແລະ ແຮ່ທາດທີ່ຈໍາເປັນເຊັ່ນ ໂປຣຕີນ, ທາດເຫຼັກ, ສັງກະສີ ແລະ ວິຕາມິນ A ສາມາພາໃຫ້ເກີດພາລະເຕ້ຍໃນເດັກນ້ອຍໄດ້.
- ການຕິດເຊື້ອເລື້ອຍໆ
- ການຕິດເຊື້ອຊ້ໍາອີກ: ຖອກທ້ອງ, ການຕິດເຊື້ອທາງເດີນຫາຍໃຈ ແລະ ການຕິດເຊື້ອກາຝາກມີສ່ວນເຮັດໃຫ້ຂາດສານອາຫານ.
- ສຸຂະພິບານ ແລະ ສຸຂະອະນາໄມ: ເດັກນ້ອຍທີ່ອາໄສຢູ່ໃນສະພາບແວດລ້ອມທີ່ມີສຸຂະອະນາໄມບໍ່ດີ ເຊັ່ນ: ຂາດນ້ຳສະອາດ, ການປະຕິບັດສຸຂະອະນາໄມບໍ່ພຽງພໍ ຫຼື ການກຳຈັດຂີ້ເຫຍື່ອທີ່ບໍ່ປອດໄພ.
- ຄວາມຍາກຈົນ ແລະ ປັດໄຈທາງດ້ານເສດຖະກິດ ແລະ ສັງຄົມ ເຊັ່ນ: ການເຂົ້າເຖິງອາຫານ ແລະ ການເຂົ້າເຖິງການດູແລສຸຂະພາບບໍ່ດີ ແລະ ສະພາບຄວາມເປັນຢູ່ທີ່ບໍ່ພຽງພໍ.
- ແມ່ ແລະ ເດັກທີ່ໄດ້ຮັບອາຫານເສີມບໍ່ພຽງພໍ
- ປັດໄຈທາງສະພາບແວດລ້ອມ ເຊັ່ນ: ການປ່ຽນແປງດິນຟ້າອາກາດ ແລະ ຄວາມບໍ່ຫມັ້ນຄົງຂອງອາຫານ.
- ຂາດການສຶກສາ.
- ວັດທະນະທຳປະຕິບັດ ເຊັ່ນ: ມາດຕະຖານທາງວັດທະນະທຳ ແລະ ຄວາມເຊື່ອ.
ການແກ້ໄຂ
- ສະຫລຸບແລ້ວ, ພາວະເຕ້ຍຂອງເດັກນ້ອຍແມ່ນເກີດຈາກການປະສົມປະສານກັນຂອງໂພຊະນາການທີ່ບໍ່ດີ, ການຕິດເຊື້ອເລື້ອຍໆ, ຄວາມທຸກຍາກ, ການດູແລສຸຂະພາບທີ່ບໍ່ພຽງພໍ ແລະ ປັດໄຈທາງສະພາບແວດລ້ອມ.
- ການແກ້ໄຂພາວະເຕ້ຍຈຳເປັນຕ້ອງມີການປັບປຸງໂພຊະນາການຂອງແມ່ ແລະ ເດັກ, ການເຂົ້າເຖິງການດູແລສຸຂະພາບ, ສຸຂະອະນາໄມ ແລະ ການສຶກສາ ເພື່ອສົ່ງເສີມການຈະເລີນເຕີບໂຕ ແລະ ພັດທະນາການທີ່ດີຕໍ່ສຸຂະພາບ.
